Sunday, January 31, 2010

நீயே இருக்கிறாய்

நீயே இருக்கிறாய்
விடியுமுன் என் கனவிலும்...
விடிந்தபின் என் நினைவிலும்...

Wednesday, January 27, 2010

வருந்துகிறேன்

என் வாழ்நாள் குறைகிறது
என்பதற்காக வருந்தவில்லை...
உன் நினைவில்
வாழும் நாள் குறைகிறது
என்பதற்காக வருந்துகிறேன்...

Monday, January 25, 2010

இருண்ட வீடு

உன் நினைவு எனும்
ஒளி இல்லாவிடின்,
என் வாழ்வு என்றும்
இருண்ட வீடே...

Wednesday, January 20, 2010

பஞ்சம்

கல்தோன்றி மண்தோன்றா
காலத்தே முன்தோன்றிய
என் தமிழிலும்
வார்த்தைப் பஞ்சம்
உன்னைப் பற்றி
கவிதை எழுதும்போது...

Tuesday, January 19, 2010

உன் வருகை

எங்கோ தொலைந்த
என் சுவாசம்,

மீண்டும்
என்னிடமே வந்தடைந்தது
உன் வருகையால்...

Monday, January 18, 2010

சாதலும் சரியே

காதலுக்காக
சாதலும் சரியே...
காதலன் நீயென்றால்...!!!

Tuesday, January 12, 2010

ஏமாற்றங்கள்

ஏமாற்றங்களை
எதிர்பார்ப்பதில்லை...
ஆனால்,
எதிர்பார்ப்புகள் தான்
ஏமாற்றங்கள் ஆகின்றன...

Saturday, January 9, 2010

நீ போதும்

சுவாசிக்க காற்று
தேவை இல்லை..
நேசிக்க நீ
இருக்கும் போது...

Friday, January 8, 2010

நிலா

உன்னைத் தொட எண்ணி
உன் பின்னே வர,
இறுதியில்,
விண்ணை தொட்டேன்
என் நிலாப் பெண்ணே...!

Wednesday, January 6, 2010

நாம்

'நான்' என்பதை மறந்து,
'நாம்' என்கிறேன்
என்னுள் நீ இருப்பதால்...

Monday, January 4, 2010

உன்னைக் காண்கிறேன்

அருகில் இருக்கும் இமைகளைக்கூட
காண முடியாத என் கண்கள்,
தொலைவில் இருக்கும் உன்னை மட்டும்
எவ்வாறு காண்கின்றன...?
ஆம்,
என் கண்கள் காணும்
ஒவ்வொரு நல்லவைகளிலும்
உன்னையே காண்கிறேன்...
இந்த உலகில் உள்ள
நல்லவைகள் அனைத்தையும்
ஒன்று சேர்த்து,
ஒரே உருவமாக்கி,
அதற்க்கு உயிரும் கொடுத்தால்,
அது நீயாக அல்லவா இருக்கும்...

Friday, January 1, 2010

இனிய புத்தாண்டு நல்வாழ்த்துக்கள்

முயலும் வெல்லும்...
ஆமையும் வெல்லும்...
முயலாமை மட்டுமே தோற்கும்...

முயற்சிகள் தவறலாம்...
முயற்சிக்க தவறலாமோ...

உங்களின் அனைத்து முயற்சிகளும்
வெற்றிபெற வாழ்த்துக்கள்...
அனைவருக்கும்
இனிய புத்தாண்டு 2010
நல்வாழ்த்துக்கள்...